Ned 
 

Kiko mi ke?

 

Kiko lo bo ke den relashon i durante sèks? Anto kiko sigur bo no ke? Tur hende tin nan mes deseo i límitenan.                        

 

Tuma bo límitenan na serio

 Bisa No

 

 

 

 

 

Tuma bo límitenan na serio


Bo mes sa kiko bo ke? Keda puntra bo mes: mi ta sinti mi bon ku e kos aki? Bo ta hañ’é dushi? Si bo ta sinti bo bon i bo ta hañ’é dushi no tin niun problema.

Kiko bo mester hasi ora e kos no ta sinti bon? Ora bo no ta hañ’é dushi? Bo mester bisa bo partner, ounke ta ferfelu.

Ta normal ku tin kos ku bo no tin gana di hasi. Den bo relashon bo mester laga sa bon kla kiko si bo ke i kiko bo no ke. Bo pareha mester respetá esei i sigur no mester fòrsa bo òf chantagiá bo.

 

 

      

 

 

 

 Bisa No

 


No hasi kos ku bo no ke hasi. Tribi bisa No òf Stòp pa e otro sa kiko bo ke. Ta fásil papia pero pa bisa No òf Stòp, no ta nada fásil. Podisé e siguiente pasonan aki por yuda bo:

 

  • Bo mester konfia bo heful i pensamentu. Bo heful ta laga bo sa kiko ta bon i kiko no.
  • Pensa adelantá si bo ke hasi algu si òf no. Si bo ta duda bisa ku bo mester di tempu pa pensa.
  • Bisa No òf Stòp mesora den promé instante. Despues bo por splika dikon bo ta aktua asina.
  • Tribi di ta hopi kla den kon leu bo ke bai.
  • Bo mester ta hopi kla den kiko bo ke, pero tambe den kiko bo no.
  • Splika ku un par di palabra dikon bo no ke hasi algu.
  • Bo tin miedu di ofendé e otro? Hopi biaha bo por ofendé bo pareha mas tantu si bo no laga e sa bon kiko bo ke.
  • No laga nan pone bo bou di preshon. Ta bo kurpa i bo tin derecho di bisa no.
  • Bo a bisa Si kaba? Bo por retraktá i despues bisa No.
      

No ta abo so mester bisa No òf Stòp. E otro tambe mester por ripara si bo gusta algu si òf no. Lesa mas akinan kon pa rekonosé siñalnan di bo pareha.

  

 

 

 

 
 
?>