Ned 
 

Kiko e otro ke?

 

 

Bo sa kiko e otro ta haña dushi? Tin biaha bo por sa esei dor di fula òf mira. Tin biaha tambe ku bo no ta ripara. Papia ku otro di loke bo ke i no ke hasi. Asina sèks ta bira hopi mas dushi.

 

Tin biaha ta difísil interpretá siñal di bo pareha. No ta semper ta bon kla ta kua deseo e tin i kon leu e ke bai, unda su límite ta. Kon pa sa anto kiko e ke i kiko e no ke?
 

 

Puntra pa klaridat

  • Tribi di puntra e otro kiko e ke i kiko e no ke.
  • Hasi bon kla pa e otro kiko abo ke.
  • Bo mester respetá deseo i límitenan di e otro.
  • E kos ta bira hopi mas dushi ora bo tene kuenta ku loke e otro ke.
 
 

Rekonosé siñalnan di Si i No

 

E siñalnan aki e otro por duna ora e ke men No:

  • E otro no ta sunchi bo bek
  • E otro ta drai su kurpa for di bo
  • Kada bes e otro ta bin ku esküs pa no hasi sèks
  • Kasi semper ta abo ta tuma inisiativa
  • Ora bosnan ta hasi sèks ta parse ku e otro no ta pasa dushi òf no ta masha eksitá.
     

E siñalnan aki e otro por duna ora e ke men Si:

  • E otro ta buska bo wowo pa wak i ta basilá ku bo
  • E otro gusta mishi ku bo
  • E otro ta tuma inisiativa i ta purba sedusí bo
  • Bo ta mira bon ku e otro ta pasa dushi i ta eksitá.
Purba chek e siñalnan ku bo ta haña serka bo pareha dor di puntr’é.

Wak bon ora di duda


Tin biaha un Si por kambia bira un No masha lihé. Tin biaha un hende ke men No ora nan a bisa Si. Tin biaha e otro ke sunchi si, pero no hasi sèks. Ke men keda bon pendiente di e siñalnan ku bo pareha ta purba duna bo.
 

 
 

 

 

   

 

 
 
?>