Ned 
 

Eksperensha ferfelu

 

 

Nan a yega di kombensé òf obligá, un di kada kuater mucha muhé i un di kada 16 mucha hòmber, pa hasi sèks. Ke men hopi hóben sa tin sèks sin ku nan ke. Kiko awor?

 

 

 

Tokante límite


Un eksperensha ta no deseá ora un kos pasa ku bo no ke òf ora nan pasa riba bo límitenan. Ta momento ku no a respetá bo límitenan. Por ta trata di un kos ku hende a bisa òf ku nan a mishi ku bo na un manera íntimo. Tin biaha ta pasa ku un hende a pasa riba bo límite despues ku bo a bisa No òf Stòp, pero por ta tambe ku nan a papia bo konvensé bo hasi un kos ku bo no kier a hasi promé. Kòrda semper si ku ta bo kurpa. Abo ta pone bo límite anto niun hende no tin derecho di pasa riba dje.

 

Falta, bèrgwensa i keho


Despues di un eksperensha ferfelu bo por sinti bo hopi malu i pensa ku ta bo falta. Bo por sinti bo afligí, sinti bèrgwensa òf desapuntá i lo ke lubidá tur kos mas lihé posibel. Bo por haña esta otro kehonan manera tenshon, doló di barika, pesadia, doló na bo vagina òf pénis.

 

Hopi biaha bo ta pensa ku ta bo falta. Ku bo no a bisa bon kla kiko bo ke òf ku ta bon mes a insitá e kos ferfelu pasa. Pero kòrda semper: niun hende no por obligá bo. Ta bo kurpa i niun hende no por pasa riba bo límite.
 

Prevení eksperensha ferfelu

 

Bo por prevení hopi eksperensha ferfelu dor di tuma bo límitenan na serio i bisa bo pareha kiko nan ta. Mas bon bo mes sa kiko bo ke, mas kla ta bira pa bo mes unda bo limitá ta i mas mihó bo por laga e otro sa di nan. Kuminsá ku tuma bo mes límitenan na serio. E otro mester respetá nan.

 

Por ta difísil pa laga e otro sa kiko bo ke i kiko bo no ke. Podisé e siguiente tepnan por yuda bo:

  • Tuma bo sentimentu, pensamentu i límitenan na serio

  • Tribi di ta hopi kla den kon leu bo ke bai, kiko bo ke i kiko bo no ke. No ta nada straño pa bisa bo límitenan. E otro ta preferá un kontesta kla ku un kontesta vago

  • Bo mester ta hopi kla den kiko bo ke i kiko bo no ke. Sigui lesa na sekshon Bisa No

  • Bo mester tene kuidou ku alkohòl i droga. Bou influensha di e kosnan aki bo ta pasa bo límitenan mas fásil

  • No laga niun hende pone bo bou di preshon

  • Si esaki no a yuda bo, buska yudansa òf papia ku un hende ku por yuda bo.

 

  Papia di eksperensha ferfelu

 

Si despues di un eksperensha ferfelu bo ta sinti ku ta bo falta, bo tin bèrgwensa òf ta duda den bo mes, ta bon pa papia ku un hende di dje. Tuma e kehonan aki na serio. Papia ku un hende ku bo ta konfia, manera bo mama, bo mihó amigu òf amiga, un hende na skol òf bo dòkter di kas. Konta nan kiko a pasa. Podisé nan por yuda bo bira mas fuerte despues di e eksperensha aki.

 

Si ta trata di violensha seksual, violashon bo por bai polis pa un keho.

 

 
 
?>