Ned 
 

Pil i e kosnan ei

 

Antikonseptivo

Dikon lo bo usa antikonseptivo?

Papia ku bo pareha

Mas ku un pareha

Kon skohe un antikonseptivo?

Ki tipo tin?

 

 

Antikonseptivo


Antikonseptivo ta produktonan ku por usa pa evitá un embaraso. E tiponan mas usá ta: pil, spiral en kondon. Pero tin mas posibilidat si.

Dikon lo bo usa antikonseptivo?

  • Bo no ke sali na estado
  • Sèks sin preokupashon ta mas dushi
  • Bo ta tene bo protekshon pa ora di hasi sèks den bo mes man

 
Bo ke ta protehá kontra un embaraso i malesa venériko?


Den e kaso ei ta bon pa e mucha muhé usa un antikonseptivo (pil òf spiral) i e mucha hòmber usa un kondon.
 

 

 

Papia ku bo pareha


Papia tokante antikonseptivo ku bo pareha promé ku bosnan hasi sèks. Hasi sèks huntu ke men tambe skohe un antikonseptivo huntu. Kòrda protehá bo mes si bo no ke sali na estado òf pega ku un malesa venériko.


Bo tin mas di tres luna relashon ku bo pareha anto bosnan ke frei sin kondon? Kuminsá pensa na hasi un tèst pa malesa venériko. Bo mester ta sigur si ku bosnan tur dos ta fiel, ke men no ta bai drumi ku niun otro hende. Ta despues di tres luna por detektá un malesa venériko den bo kurpa. Pero pa evitá sali na estado mester keda usa un tipo di antikonseptivo si.

 


Mas ku un pareha


Bo tin sèks ku mas ku un pareha? Bo mester hasi sèks semper ku kondon. Laga sa bon adelantá ku bo ta hasié ku kondon. Ta e úniko manera pa protehá kontra malesa venériko.

 

 

Kon skohe un antikonseptivo?

 

Skohe e forma ku ta bai mihó ku bo. Tene kuenta ku e kosnan aki:
  • bo ke kòrda tur dia riba dje?
  • bo ta haña importante pa por plania bo dia di menstruashon òf bira ongesteld?
  • bo mes ke por us’é òf bo no tin problema pa laga un dòkter pone?
  • bo ke un kos ku, òf sin hormona? 

 

 

Kua tipo di antikonseptivo tin?

 

Pa prevení embaraso, ke men pa no sali na estado:

Pa prevení malesa venériko:
 

 


Wak e tabèl aki pa un bista general

 

 


 

Pa prevení embaraso, ke men pa no sali na estado:

Kiko e ta?
Kon e ta traha?
Kon pa us'é?
Kiko ta su bon i su malu?
Pil, òf píldora
 
 
Un píldora chikí ku ta laga hormona lòs den bo kurpa
Tur dia un pil.

Na final di un siklo bo ta keda sin bebe un siman largu.
 
E siman ei bo ta haña bo menstruashon pero ta protehá kontra embaraso.
 
Bentaha:
- bo sa presis ki ora bo ta bira ongesteld
- bo por posponé bo dia di bira ongesteld
 
Desbentaha:
- bo por lubidá di guli e pil .
- pil no ta protehá kontra malesa venériko.
Spiral
 
 
Ta hinka e spiral den bo matris.
Un spiral hormonal ta saka hormona ku ta pone ku bo no ta sali na estado. E ta protehá bo di sali na estado sinku aña.
Un spiral di koper ta pone ku un webu inseminá no ta keda pega den e ovario pa e por desaroyá. E ta protehá bo sinku te ku dies aña kontra embaraso.                
Un dòkter ta implantá e spiral.
Bentaha:
- konfiabel, bo no por lubidá.
- ta un biaha den sinku òf dies aña bo mester kòrda riba dje.
- esun di koper no tin hormona.
- esun hormonal ta hasi bo menstruashon mas kòrtiku i leve
 
Desbentaha:
- e hinkamentu por hasi doló.
- ta un dòkter tin ku hink'é.
- bo no por posponé bo menstruashon.
- Spiral no ta protehá kontra malesa venériko.
- Bo por sangra de bes en kuando
- Ku spiral di koper bo menstruashon por dura mas largu i ku hopi mas sanger.                  
Prikpil, Pil di angua
 
 
Un angua ku hormona ku ta protehá 12 siman di no sali na estado.
Un dòkter ta pasa bo e angua kada 12 siman.
Bentaha:
- Bo no mester kòrda riba dje tur dia.
- Bo ta bira ongesteld ménos regular. Despues di un aña e por hasta stòp.
 
Desbentaha:
- Bo mester bai dòkter kada tres luna pa e angua.
- Si e tin efekto ferfelu bo no por stòp kon ku ta.
- E hormonanan ta keda 3 luna den bo kurpa.
- Ora bo stòp ta tarda un tempu pa bo bolbe bira fèrtil i por sali na estado.
- Bo por sangra de bes en kuando.
- No ta protehá kontra malesa venériko.
Staf
 
 
E staf ta mesun grandi ku un lusafè. E ta manda hormona den bo kurpa kada dia. E por keda na su lugá 3 aña i ta protehá bo asina largu kontra embaraso.
Ta hinka e staf den bo brasa. Un dòkter ku eksperensha mester hinka e staf.
Bentaha:
- Ta un biaha den tres aña bo mester kòrda riba dje.
- Por sak'é fásil i ora hink'é e no ta hasi doló.
- E ta hasi doló di menstruashon ménos.
 
Desbentaha:
- Mester laga un dòkter ku eksperensha hink'é.
- Den kuminsamentu e por tin efekto ferfelu aserka.
- Bo no por sa adelantá ki dia bo ta bira ongesteld.
- E no ta protehá kontra malesa venériko
Renchi
 
 
Un renchi di plèstik ku por dobla ku ta bai den vagina. E renchi ta saka hormona ku ta protehá bo un luna kontra embaraso.
Bo mes por hink'é den bo vagina manera un tampon. Despues di tres siman bo por sak' e. E ora ei ta bin un siman sin renchi den kua bo ta bira ongesteld pero ta keda protehá.
Bentaha:
- Ta dos biaha pa luna bo mester kòrda riba dje.
- Bo por posponé bo dia di menstruashon.
- bo no ta mir'é.
 
Desbentaha:
- Bo por lubidá di hinka un nobo despues di kuater siman.
- E no ta protehá kontra malesa venériko.
Pleister
 
 
Un pleister fini i chikí ku ta saka hormona.
Bo ta plak e pleister riba bo kueru. Por tur kaminda eksepto bo pechunan i bèl di pia. Bo ta plak e un dia pa siman, tres siman largu. E di kuater siman bo no tin nodi di plak. E siman ei bo ta bira ongesteld pero ta protehá si.
Bentaha:
- Un biaha pa siman so mester kòrda riba dje.
- Bo por posponé bo menstruashon.
- Bo sa presis ki dia bo ta bira ongesteld.
 
Desbentaha:
- Bo por lubidá di plak e pleister.
- Otro hende por mira e pleister.
- E no ta protehá kontra malesa venériko.                                                         

  

 

 Pa prevení malesa venériko:

Kiko e ta? Kon e ta traha? Kon pa us'é? Kiko ta su bon i su malu?

 Kondon

 

Un kos pa tapa di rùber ku ta bisti e pénis pará. E ta wanta spèrma i asina ta protehá kontra embaraso. E ta e úniko kos ku ta protehá kontra malesa venériko.
Primi akinan pa un video di instrukshon.
Bentaha:
- E ta protehá kontra malesa venériko.
- Bo no mester bai bo dòkter di kas.
- Bo tin ku kòrda riba dje solamente ora bo ta bai hasi sèks.
- Por kumpr'é hopi kaminda.
- Spèrma no ta drenta vagina.
 
Desbentaha:
- Ménos konfiabel paso bo por hasi fout lihé.
- E mucha hòmber ta sinti ménos ora di sèks.
- Bisti i kita kondon ta interumpí e freimentu.
- Bo mester us'é kada biaha ku bo hasi sèks.                                           

 

 
 
?>