Ned 
 

Loverboys

 

Kiko ta un ‘Loverboy?

Kon un loverboy ta anda?

Kiko awor?

 

 

Kiko ta un ‘Loverboy?


Un loverboy ta un mucha hòmber ku deliberadamente ta frei un mucha muhé ku intenshon pa laga e mucha muhé ei bai traha pa gana sèn p’e den prostitushon. E loverboy ta hasi manera e gusta e mucha muhé anto ta namorá di dje. E loverboy ta sedusí un mucha muhé hopi biaha riba Internet anto ta buska mucha muhénan ku ta sinti nan mes insigur, malu òf nan so. Bo por kai fásil ora un hende duna bo atenshon ora bo ta sinti bo asina.

 

Kon un loverboy ta anda?


E loverboy ta duna e mucha muhé hopi kòmplimènt, ta papia kuné ku yen palabra dushi anto ta dun’é yen regalo. E ta sigui hasi e kosnan aki te ora e mucha muhé ta asina loko riba dje ku e lo ke hasi tur kos p’e. E loverboy ta obligá e mucha muhé traha den prostitushon pa asina gana sèn pa e mucha hòmber. Asina ku e mucha muhé a drenta prostitushon, e mucha hòmber ta kuminsá hasi straño, esun ora e ta masha lif ku e mucha muhé, un otro ora e ta humiá òf maltratá e mucha. Tambe e loverboy ta sòru pa isolá e mucha muhé for di su amigu i famianan. Ku menasa e loverboy ta sòru pa e mucha muhé no buska kontakto ku su famia i amigunan.
 

Kiko awor?


Si bo tin e pensamentu ku bo frei por ta un loverboy of bo mira algu asina serka un amiga, buska yudansa mesora. Papia ku un hende di konfiansa rondó di bo manera bo mayornan, un dosente, un amiga òf polis.

 

 

 
 
?>